Gå til innhold

1 Mange har forsøkt å gi en fremstilling av det som er blitt oppfylt blant oss,

Hernán Romero har hatt meir enn 100 framsyningar av Markusevangeliet i Peru. Stykket er òg sett opp i Havana på Cuba.

Foto: Hernán Romero har hatt meir enn 100 framsyningar av Markusevangeliet i Peru. Stykket er òg sett opp i Havana på Cuba.

Teatersuksess med Markusevangeliet

22. august 2011.

Markusevangeliet som teaterframsyning har blitt ein suksess i Peru og Cuba. Sjå utdrag frå framsyninga her.

Skodespelar Svein Tindberg og teaterregissør Kjetil Bang-Hansen reiste i 2006 til Peru for å bidra til ei oppsetjing av Markusevangeliet, ei teaterframsyning som hadde stor suksess i Noreg i 1995. Det var Det Norske Bibelselskap som var ”fødselshjelpar” for eksporten frå Det Norske Teatret til scena i Peru.

I Peru er førestillinga blitt ein suksess, og skodespelaren Hernán Romero har hatt meir enn 100 framsyningar av stykket som har fått tittelen La Parabla Sola (Ordet åleine).

– Eg brukte to år på å læra materialet skikkeleg, seier Hernán Romero.
– Gjennom dette arbeidet har eg lært Jesus betre å kjenna, snakka med han og vandra med han. Han er Ordet som korrigerer og hjelper oss, og ved kvar situasjon i livet blir eg minna om sitat frå evangeliet. Eg opplever meg rikt velsigna av denne oppsetjinga.

I mars i år var Hernán Romero invitert til Cuba av Det kubanske kyrkjerådet. Der vart stykket sett opp mellom anna i katedralen i Havana.

I dette nyhetsinnslaget (på spansk) kan du sjå utdrag frå forestillinga:



Kjelde: UBS og www.godtube.com