Dagens bibelord 15.11.2018

Sal 146,1-10

1 Halleluja!
          Máinno Hearrá, mu siellu!
          
   
2 Mun máinnun Hearrá
          nu guhká go ealán,
          mun lávllun Ipmilasan
          dan botta go ain lean eallimin.
          
   
3 Allet dorvvas fámolaččaide,
          olbmuide geat eai sáhte veahkehit.
          
   
4 Sii rohttejit heakkaset
          ja šaddet fas muoldan,
          dan beaivvi sin áigumušat leat nohkan.
          
   
5 Lihkolaš dat gean veahkki
          lea Jakoba Ipmil,
          lihkolaš dat gii dorvvasta
          Hearrái, Ipmilasas.
          
   
6 Hearrá dagai almmi ja eatnama
          ja meara ja buot mii dain lea.
          Hearrá lea oskkáldas agálaš áigái.
          
   
7 Hearrá doaimmaha vuoigatvuođa
          dulbmojuvvon olbmuide,
          son addá láibbi daidda geat nelgot,
          son čoavdá daid geat leat čadnojuvvon.
          
   
8 Hearrá rabasta čalmmehemiid čalmmiid,
          son čuoččáldahttá daid
          geat leat hearddohuvvan.
          Hearrá ráhkista vuoigatlaš olbmuid,
          
   
9 son várjala vierrásiid
          ja doarju leaskkaid ja oarbásiid,
          muhto ipmilmeahttumiid geainnu
          son dahká mohkkájin.
          
   
10 Hearrá lea gonagas agálaš áigái.
          Son lea du Ipmil, Sion, buolvvas bulvii.
          Halleluja!

Kilde: www.bibel.no