Gå til innhold

1 Så formaner jeg dere, jeg som er fange for Herrens skyld, at dere lever et liv som er verdig det kallet dere har fått,

Govva: Buohkaide bures boahtin Oslo Sámi vissui golggotmánu 27. b. dm. 18:00-20:00 (Govven: Johan Mathis Gaup)

Foto: Govva: Buohkaide bures boahtin Oslo Sámi vissui golggotmánu 27. b. dm. 18:00-20:00 (Govven: Johan Mathis Gaup)

«Markusa evangelium» Sámi viesus

21. oktober 2019.

Sotnabeaivve golggotmánu 27. B. rahppojuvvo ođđa davvisámi biibbaljorgalus, Biibbal 2019, Sámi viesus Oslos. Bures boahtin!

Sámi giellavahku 2019 oktavuođas háliida Biibbalsearvi čalmmustahttit ođđa davvisámegiel biibbaljorgalusa, Biibbal 2019.

  • Áigi: Sotnabeaivve golggotmánu 27. b. dm. 18:00‒20:00
  • Báiki: Sámi viessu, Dronningens gate 8B, 0151 Oslo

Biibbalsearvvi davvisámegiel biibbaljorgalusa prošeaktajođiheaddji Hans-Olav Mørk álggaha seminára. Magne Ove Varsi lohká dasto davvisámegiel teavsttaid Markusa evangeliumas. Dan maŋŋil lea káffe ja ságastallan.

Lágideaddjit: Biibbalsearvi, Sámi girkoráđđi ja Oslo bismagotti sámi girkoeallima resursajoavku.

Álgoálbmotgielaid jagi lea stuorra gielalaš dáhpáhus: ođđa davvisámegiel biibbaljorgalusa almmuheapmi.

Ođđa jorgalus, Biibbal 2019, lea boađus badjel 30 jagi barggus ja lea earenoamáš giellaprošeakta. Sámegielat jorgaleaddjit miehtá Sámi leamaš mielde ráhkadeamen teavstta, earet eará Britt Rajala Deanus ja Helena Valkeapää Ohcejogas.

Gielalaš váldobagadalli leamaš dr. Tuomas Magga, Oulu, gii álggii doibmii maŋŋil Nils Jernslettena, Deatnu/Tromsa. Maiddái professor Mikael Svonni, Giron, ja professor Ole Henrik Magga, Guovdageaidnu, leaba leamaš mielde proseassas. Loahpahanbarggu giellabagadallin leamaš Sámi lohkanguovddáža ossodathoavda Berit Anne Bals Baal, Guovdageainnus

Norgga, Ruoŧa ja Suoma biibbalsearvvit leat jorgalusa ovddasvástideaddjit. Olles Biibbal almmuhuvvui ovddit háve 1895:s. stuorimus oasi dán barggus dagai Lars Jakobsen Hætta, gii lei leamaš mielde Guovdageain-stuimmiin. Bargu álggahuvvui go son lei čohkkámin Akershus ladnis. Vaikko Biibbal 2019 lea ođđa ja sierra bargu, de lea Hætta jorgalus leamaš oassin ođđa jorgalusa vuođus.

Buohkat leat buresboahtimat Sámi vissui sotnabeaivve golggotmánu 27. b.

Epost: post@bibel.noTelefon: 47 97 64 50
Postadr: Pb.6624 St.Olavs plass 0129 OSLO
Besøksadr: Bernhard Getz' gate 3 0165 OSLO