Gå til innhold

24 Han la fram for dem en annen lignelse og sa: «Himmelriket kan sammenlignes med en mann som hadde sådd godt korn i åkeren sin.

Biibbal 2019

Biibbal 2019 – ođđa davvisámegiel biibbal neahtas guovvamánu 6.b. – girjealmmuheapmi borgemánu 23.-25.b. 2019.

Sámi álbmotbeaivvi, guovvamánu 6.b. 2019, almmuhit Norgga, Ruoŧa ja Suoma biibbalsearvvit ođđa davvisámegiel biibbaljorgalusa. Teaksta almmuhuvvo báikkiin www.bibel.no ja www.piplia.fi. Ođđa jorgalusa namma lea Biibbal 2019.

Ovddit veršuvnnat teavsttas leat almmuhuvvon Norgga Biibbalsearvvi neahttasiiddus, www.bibel.no. Gárvves teaksta mii dás almmuhuvvo, boahtá bábergirjji hámis stuorra doaluin Guovdageainnus borgemánu 23.-25.b. 2019

Biibbal 2019 ulbmiljoavku leat sámegielagat Norggas, Ruoŧas ja Suomas. Biibbal 2019 lea jorgaluvvon nu ahte galgá sáhttit adnot ja ipmirduvvot sihke norgga-, ruoŧa- ja suomabeale Sámis.

Bibelselskapets komite for godkjenning av bibelteksten i Norge: (f.v) Gunnar Johnstad, Marta Høyland Lavik, Ole Henrik Magga, Berit Frøydis Svineng Johnsen, Hans-Olav Mørk. (Foto: Bibelselskapet)
Biibbalsearvvi lávdegoddi biibbalteavstta dohkkeheami várás Norgga bealde: (gurutbealde) Gunnar Johnstad, Marta Høyland Lavik, Ole Henrik Magga, Berit Frøydis Svineng Johnsen, Hans-Olav Mørk. (Govva: Biibbalsearvi)

Ođđa jorgaleapmi lea dahkkojuvvon ovttasbarggus Norgga, Ruoŧa ja Suoma biibbalservviid gaskkas, ja buot golmma riikka jorgaleaddjit ja bagadeaddjit leat leamaš mielde.

Norgga Biibbalsearvvi stivra dohkkehii Biibbal 2019 juovlamánu 5.b. 2018, dát mielddisbuktá maiddái ahte Norgga girku sáhttá atnit teavstta. Suomabealde dohkkehuvvui teaksta Lutheralaš girku atnui skábmamánu 9.b. Ruoŧas lea dohkkeheapmi plánejuvvon 2019 čakčii.

Epost: post@bibel.noTelefon: 47 97 64 50
Postadr: Pb.6624 St.Olavs plass 0129 OSLO
Besøksadr: Bernhard Getz' gate 3 0165 OSLO